Ветерандарға ярҙам

Алтын көҙ… Ошо һүҙҙә күпме матурлыҡ бар, ни тиклем мәғәнә ята. Ғүмер көҙө – ҡартлыҡтың да үҙ матурлығы, үҙ мәғәнәһе бар, сөнки сыуаҡлы, мул һутлы емештәре өлгөргән йәмле ғүмер миҙгеле еткән мәлдә Ололар көнөн билдәләйбеҙ.

10 а класы уҡыусылары ла класс етәксеһе Айгөл Рәшит ҡыҙы менән 22 сентябрь көнө хеҙмәт ветераны Сания Хөсәйен ҡыҙы Латыповаға ярҙамға ашыҡтылар.

Ə «Берҙәмлек» мәктәп үҙидаралығы активистары инде һуғыш ветераны Шәһи Юныс улы Ишемғоловҡа үҙ ярҙамдарын күрһәттеләр.  Егеттәр ишек алдындағы ҡый- ғыпырҙы тырмап, һепереп түгеп, рәткә килтерһәләр,  ә  ҡыҙҙар өйҙөң саңын һөртөп, иҙәнен йыуып сығарҙылар.

Уҡыусылар ветерандарға, ҡоростай сәләмәтлек,аҡ бәхеттәр,оҙон тыныс,мул татыу тормош теләп хушлаштылар.

Шуныһы ҡыуаныслы  – был байрам яҡшы традицияға, изге йолаға әүерелде. Ваҡыт тиҙ уҙа, өлкәндәр көнө лә үтер ҙә китер, тик  үҙ яҙмыштары менән беҙгә үрнәк булған ололарға хөрмәтебеҙ генә берүк һүрелмәһен.

2 3